شمس شهقت بذهول من وقاحته وبقت بترفع التوب لفوق وقالت..إنت إزاي تقولي كلمه زي دي غير لائق وغير مهذب
سراج اتنهد وقال..المهم موضوع الهدوم ده أنا هتصرف فيه لأن الشنطة دي كلها اللي جايباها معاكي شكلها ما فيهاش حاجه بتلبس أصلاً خصوصاً لما نكون قاعدين مع بعض
لسه هيدخل على الحمام قالت..الهدوم ملهاش دخل إنت كنت عايز تقرب مني إنت بتتلكك أصلاً عايز تعملها من امبارح
سراج قرب منها وقال ..فعلاً..كنت عايزه أعملها من امبارح وفي حاجات كتير من امبارح عايزه أعملها …بس مش معاكي …مع شهيرة أختك اللي المفروض تكوني زعلانه عليها مش تبقي تبزلي جهد علشان اقربلك..شوفي لو حابه تاخدي حقوقك المعتادة ما عنديش مانع .. أنا كتبت عليكي يعني بقيتي متحرمه على أي حد تاني ..فتعالي لي دغري وقولي أنا عايزه كده هعمل كده حتى لو غصب عني
شمس ضحكت بقوة وقالت …غصب عنك كمان..طب شوف بقى أنا مش عايزك تلمسني وأنا اللي غلطانه إني خليتك تنام على السرير جنبي..من هنا ورايح لو نمتش على الكنبه هنام أنا عليها..وإنت بقى شوفلك واحده غيري اتفرغ فيها طاقاتك المكبوته واشتياقك لمراتك وانسى إنك تلمسني
بصلها بغضب من كلامها وقال.. لو احترمتي نفسك وفضلتي بعيده عني وبطلت تغريني مش هتبقي فارقه لي أبداً ..واضح
قال كده وخد هدوم ودخل على الحمام وسابها واقفه باصه لطيفه بذهول وغيظ …قعدت على السرير وهي متضايقه جداً من كلامه وتلميحاته غير اللائقة إنها بتحاول توقعه وتغريه وعايزاه يقرب لها …بس افتكرت لحظة ما كانت بين إيديه ..إحساس جميل جداً..اتنهدت وشالت أي أفكار من دماغها وقالت بغضب.. استنى عليا يا سراج إن ما خليتك تجري ورايا جري
بعد شويه خرج من الحمام وكان لابس بنطلون وبس وبينشف شعره ويختار قميص مناسب وبدله عشان هينزل
شمس فضلت مركزه عيونها عليه وعلى عضلاته القويه وملامحه الرجوليه فضلت تبصله بإعجاب شديد وخد باله من نظراتها بس ما تكلمش
شمس قالت سراج …سراج أنا مستنيه إنك تعتذر لي على فكره المفروض تعتذر عن اللي قولته إنت اتهمتني التهامات بشعة ودي مش أول مرة .من أول ما دخلنا هنا وإنت بتتكلم معايا على أساس إني بغريك وبوقعك أنا دي طريقتي ده أسلوبي وده لبسي دي حياتي اللي اتعودت عليها أنا ما كنتش عايشه هنا تمام..يلا بقى فوراً اعتزر وحالاً
ضحك بقوة وقال ولو معتزرتش إيه اللي هيحصل مثلاً
قربت عليه بغضب شديد وقفت قصاده بالظبط وقالت تمام أنا هنزل حالاً وأقول لباباك على كل حاجه حصلت عشان بعد كده تحترمني وتحترم كل تصرفاتك معايا
لسه هتمشي شدها بقوه بقت في حضنه وقال بغضب…إنتي اتجننتي تقوليلو إيه…هتقوليلو إني قربت منك
شمس قالت..آه بالظبط وكمان هقولو إن مفيش حاجه بنا وهخليه هو بقى يتكلم معاك
سراج حاول يهدى وقال بابتسامه جانبيه…والمطلوب
شمس كتفت إيديها وقالت …زي ما قلت لك بالظبط اعتذار…اعتذر حالاً عن اللي عملته ومش أي اعتذار كده لا اعتذار يستاهل إني أسامحك عليه…ويمكن ما أسامحكش إنت وحظك
اتنهد ومسح على وشه وقال بخنقه… أنا آسف يا مدام شمس
شمس قالت بسرعة…نو …انسه أنا انسه
سراج داس على ذراعها بغضب وقال… يعني إيه أمال أنا إيه أخوكي في الرضاعه ولا إيه النظام
شمس قالت باستفزاز والله إنت أكتر واحد عارف إن أنا انسه تمام ..حكايه أخويا ومش أخويا دي قصتك إنت مليش دخل فيها
سراج ابتسم بسخرية وقال… ده على أساس إنك جايه لي أصلاً انسه إيش عرفني إنك انيه أصلاً..وبص العيونها جامد وقال بوقاحة….يعني أنا لو قررت إني أخليكي مدام مش انسه هلاقي حاجه أعملها ولا هلاقي المهمه تمت بنجاح
شمس بصتله بذهول
يعني أنا لو قررت إني أخليكي مدام مش انسه هلاقي حاجه أعملها ولا هلاقي المهمه تمت بنجاح
شمس بصتله بذهول.. وضربته قلم خفيف بإيدها الصغيرة بطريقة سريعة وقالت ..ومين قالك هاسمح لك تلمسني أصلاً
سراج اتنرفز وشد دراعها ورا ضهرها وقال.. تضربي مين يا غير لائقة بتضربي مين يا بت
شمس قالت بالم …آي ..آي دراعي سبني والله هاصوت والم عليك البيت كله
في الوقت ده الباب خبط وسراج دفعها بضيق وراح فتح وكانت ملاك قالت بفرحه بابي صباح الخير
سراج ابتسم وشالها وقال ..حبيبه قلب بابي صباح الهنا كله
شمس اتقدمت عليها وقالت كوكي صباحك قمر
ملاك قالت بفرحه … مامي حبيبتي أنا مبسوطه إنك معايا
سراج اتنهد بضيق وقال… انزلي يا حبيبتي استنيني على الفطار مع جدو وأنا ومامي جايين وراكي على طول في حاجه صغننه هقولها لها ماشي
ملاك قالت ماشي وباست شمس وليه هتنزل
سراج قال..استني يا بت ..مفيش بوسه لبابي ولا إيه
ملاك ضحكت وباستو وقالت لا فيه..و فيه واحده لجدو كمان
ضحك وقال طب يلا روحي اديله البوسه بتاعته واستنيني على الفطار
ملاك نزلت وسراج بص لشمس بغضب وقال… عاجبك كده اتفضلي حلي اللي هببتيه ده
شمس قالت …وأنا هحل إيه هقول لها إيه يعني البنت فضلت تحضني وتقول لي مامي مامي وكانت بتبكي هعمل لها إيه إزاي يعني هقنعها إن أنا مش أمها ..كان المفروض عليك إنت تحلها من قبل ما أنا أجي مش تورطني وبعد كده تزعل
سراج داس على أسنانه بغضب وقرب منها وقال بطريقه مخيفه … اصبري عليا أنا هربيكي على عمايلك دي وحط إيده على خده وقال مش هنساه.. استني عليا
شمس بلعت ريقها بخوف وقالت…بس الصلاة على النبي… إنت بس علشان لسه ما فطرتش دلوقتي أول ما تاكل هتلاقي نفسك بقيت زي الفل.. يلا بينا
سراج بصلها بغضب ومشي ورزع الباب وشمس اتنفضت من خبطة الباب واتنهدت ..و دخلت أخدت شاور ولبست أول حاجه قابلتها ونزلت وراه
سراج كان قاعد مع أبوه وملاك وبيفطروا ويهزروا… ونزلت شمس وقالت بمرح صباح الخير
الكل بصلها بذهول واتسعت عينيهم بشدة من لبسها كانت لابسه شورت جينز قصير جداً وتوب قصير… شمس بصت لهم باستغراب وقالت في إيه مالكم
ملاك قالت …إيه اللي نزلتي بيه ده يا مامي ليه مكملتيش لبس
شمس بصت لنفسها وقالت..مالو اللبس ما عجبكوش ولا إيه ده براند على فكره
سراج غمض عينيه بغضب شديد وقال …براند آه طب عن إذنكم ثانيه واحده …وشدها من إيدها وطلع بيها بغضب شديد على الأوضه
