والدتها: بقى نها تعمل كده معقول وجوزك كل الفتره دى واخدك لعبه منهم لله قلبى ڠضبان عليهم مش عايزه اعرفهم ولا اشوفهم تانى
انتى صح انزلى اشتغلى وشوفى مستقبلك وخليكى عايشه معايا البيت كبير زى مانتى شايفه وانا عايشه لوحدى فيه ادخلى حطى حاجتك انتى وابنك فى الدولاب كويس انك سبتيله حاجته يغور بيها مش عايزين منه حاجه
عند ماهر قرر انه يرجع البيت عشان يلم هدومه عشان من امبارح بنفس اللبس وياخد حاجته واوراقه المهمه من البيت
وصل ماهر البيت ورن الجرس اكتر من مره محدش فتح
فتح الباب المفتاح لقى البيت هادى دخل الاوض لقى الدولايب فاضيه عرف ان دينا سابتله البيت ومشيت
خرج لقى ورقه على السفره من دينا
مكتوب فيها
ده مفتاح الشقه ومفتاح عربيتك اللى كنت جايبهالى وفى الدولاب كل الهدايا بتاعتك هتلاقيها انا اخدت اللى يخصنى واخدت ابنى ومشيت مش هعيش فى مكان تانى يكون فى اى زكرى بينا ورقتى توصلنى على بيت اهلى
مسك ماهر الورقة وفضل ساكت مش عارف يعمل ايه حاول يتصل بيها اكتر من مره او يبعتلها رسايل لكن لقاها عملاله بلوك من وسائل التواصل
يتبع
البارت الثاني
فضل ماهر ماسك الورقة وهو متضايق حاسس انه اتسرع وبيكلم نفسه
انه كان ممكن يجبهالها بطريقة أفضل كان ممكن يختلق معاها مشاكل وبعدين يطلقها مش مره واحده يفاجاها انه كان بيحب اختها وانه عايز يطلقها عشان يتجوز اختها اللى سابته زمان ولما حبت ترجعله تانى ماصدق بعاها ورجع تانى لحبه القديم
خلاص للاسف الوقت عدى ماينفعش نقول ياريت مانكرش ان عشرت دينا كانت حلوه وكانت بتتقى الله فيا ومكنتش مخليانى محتاج حاجه كانت ونعمه الزوجه بس للاسف قلبى من البداية مع اختها
طيب انا مالك وحشنى عايز اشوفه اعمل ايه هى اكيد مش هتمنعنى عن ابنى دخل اخد شاور وقرر انه يسيبها كام يوم تهدى وبعدين يروح يشوف ابنه
تانى يوم الصبح وصلت دينا المستشفى وقابلت مدير المستشفى وعمل معاها مقابله وتم الموافقة على انها تشتغل في المستشفى واخدها المدير ڤرجها على قسم العلاج الطبيعي وعرفها على زملاءها من الدكاترة واتعرفت دينا على الدكاترة وبدات بالفعل شغلها من اول يوم وكانت متحمسة جدا
عدا كذا يوم ودينا كانت مشغوله الصبح فى المستشفى وبعد الضهر فى البيت مع ابنها بتزاكرله وتشوف طلباته ووجود والدتها فرق معاها كتير لانها كانت بدعمها وده سبب انها مابقتش حزينه ولا بتفكر زى الاول في طليقها واختها وخيانتهم ليها
ماهر فى الوقت ده كان طلق دينا رسمى بس ورقه الطلاق معاه كان بيفكر يديها ورقه الطلاق بنفسه ولا يبعتها قرر انه يوصلهالها بنفسه ويعتزرلها ويشوف ابنه ويحدد معاها المواعيد اللى يقدر يجيى فيها ويقابل ابنه وقرر انه يروحلها بكره
تانى يوم فى المستشفى كان في حاله اخت شخصية مهمه كانت فى حاډثه وعملت عمليه ومحتاجة دكتوره علاج طبيعي تتابع معاها عشان تقدر تمشي مره تانيه
ومدير المستشفى رشحلهم دينا
اخو المړيضة فى الاول اعترض عشان هى لسه متعينه جديد ومعندهاش خبره كبيره لانها قاعدت فتره من غير شغل لكن مدير المستشفى اقنعه انها دكتوره ممتازه ودايما عندها حماس فى شغلها بيخليها تعمل نتايج مبهرة فى الشغل
سيلا المړيضة: خلاص بقى يا بيبرس خلينا نجربها
بيبرس: هو انتى فار تجارب
سيلا: يا حبيبي انا عارفه انك خاېف عليا طيب ايه رايك نشوفها الاول ونسمع خطه العلاج بتاعتها وبعدين نحدد
الدكتور: كلام الانسه سيلا صح انا هبعت اناديها
دخلت دينا وعرفت نفسها واخدت الملف بتاع سيلا وكشفت عليها وبدات تتكلم معاهم فى خطه العلاج وازاى هتم
سيلا: تمام يا دكتوره انا موافقه بس ياريت نبدأ من انهارده
دينا: تمام مافيش مشكله بس الاول هعمل تليفون مهم بس هستاذنك بعد كده نخلى المعاد بدرى شويه
بيبرس: ايه يا دكتور هو احنا اللى هنيجى كمان على معاد الدكتوره
سيلا قاطعته: انا موافقه يا دكتوره من بكره هاجى الساعه ١١ حلو كده
بيبرس: سيلا انتى مش مجبرة على معاد معين
هنا دينا بصيتله ورجعت غيرت وشها تانى وتجاهلته هى كده كده تعاملها بعد كده هيكون مع اخته مش معاه فقررت ماتتكلمش معاه
دينا لسيلا: خلاص اتفقنا حبيبتي انا هعمل مكالمه استاذن ماما انى هتاخر واجى نبدا على طول عشان متقلقش لان معاد خروجى كان من نص ساعه
اتصلت دينا بمامتها وعرفتها ظروف شغلها ومامتها طمنتها انها اكلت ابنها وبتزاكرله وتتاخر براحتها
اخدت دينا سيلا غرفه العلاج الطبيعي وبدأت معاها العلاج
فى البيت عند والده سيلا وصل ماهر وخبط على الباب وفتحتله والده دينا سناء
سناء: خير فى حاجة
ماهر: جاى اقابل دينا محتاج اتكلم معاها
سناء: وعايزها فى ايه
ماهر: اديها ورقة طلاقها واحدد معاها هقابل مالك ازاى اكيد مش هتحرمونى منه
سناء: للاسف انك متجوز واحده من بيت اصل مش هتحرمك من ابنك ثانيا هات الورقة انا هوصلهالها واتفضل ادخل شوف ابنك وانا هكلمها ابقى تظبط معاها مواعيد الرؤية وابلغهالك
