جوزي

وفعلا تاني يوم بنزل الشغل الي اول ما الشيف بيشوفني بيقولي

عماد

بقولك اي يا نورهان مش نورهان بردو علي العموم انا عندي اهم حاجه عندي الامانه وغير كده كمان الي تشوفيه هنا متخرجيش تقولي عنو هتقدري

نورهان

طبعا واوعدك اي كلمه تحصل محدش هيعرف بيها حتي لو ما اتفقناش علي الشغل

عماد

وانا واثق من حاجه زي دي علشان نظرتي في الناس مبتخيبش

علي العموم تعالي معايا وبيروح واخدني غلي المطبخ بدا يعلمني

نورهان بذهول

بصراحه انا كنت بقول ان مفيش مني اتنين في قطع اللحمه

بس بعد الي انا شوفتو دلوقتي عرفت ان الي كنت بعملو عك

عماد

ولسه هتتعلمي مني كمان وكمان دي اقل حاجه عندي

وعند سما بتبقي عاوزه تخرج من البيت

يوسف

راحه فين يا حلوه هو انتي مفكره دخول الحمام زي خروجو تبقي عبيطه

وامشي انجري علي اوضتك

الخروج زمان كان بمزاجك دلوقتي لو فكرتي

تعدي من عتبه الباب متعرفيش هعمل فيكي اي

سما بحده

وسع يا راجل يا خرفان انت هو انت مفكر ان ممكن اسمع كلامك انا هنزل يعني هنزل

يوسف بحده

شكلك واخده عني فكره غلط ولما تقولي الكلمتين الخايبين دول انا هسمع كلامك تبقي بتحلمي علشان انا هنا القول قولي والشوره شورتي

سما

بقولك اي وسع انا هخرج يعني هخرج انا اصلا عفاريت الدنيا بتتنطط قدام مني وسع

كده هو انت مش هتفضل حابسني كده

يوسف

بقولك اي الي زيك دا يستاهل الحبسه هو انتي ناسيه عملتي اي ولا اي

وعلي فكره ده قرار امك وقالت ان انتي مينفعش

تخرجي بدل ما تركبيها العار

سما بغيظ

ماشي ووسع ايدك من عليا كده اوعي تلمسني

وبتروح ماشيه

يوسف

ماشي يا سما انا عاوزك تدلعي كده كتير بس هتيجي في مره تحت ايدي ومحدش هيخلصك مني

وبتعدي الايام وفي مره كنت واقفه مع عماد وبقول

نورهان

هيه نوعيه اللحمه دي عامله كده ليه ومالها شكلها غريب انا اول مره اشوف لحمه زي دي

عماد

ما هيه مش لحمه عاديه بصراحه كده دي لحمه هوهو

نورهان

مش فاهمه كلمتك يعني ايه يعني

عماد

لا فاهمه كلامي كويس اوي وانا مش هديكي المرتب الكبير قوي ده غير لما اكون لازم بكسب فلوس كثيره ومش هكسب فلوس كثيره الا لما تاجر في اللحمه دي

نورهان

يا نهارك مش فايت معقول انت بتوكل للناس لحمه زي دي طب الزاي ومش خايف لا البوليس يطب عليك وتشمع المكان

عماد

اهدي الله يخريبتك هتودينا في داهيه وعلي فكره محدش يقدر يفرقها علشان انا بعمل ليها قطعيه مختلفه خالص

علشان كده محدش بيفرق بنها

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى